زهرة المرأة الواعية
👶🏻😒😅
🥳 ١- حطي بين عيونك أنك رايحة لإدخال الفرح والسرور على قلب الأم وأهل الطفل، لذلك إذا كنت تعبانة نفسيا أو منغاظة أو مزعوجة فحبذا تعتذري ولا تروحي.
💋 ٢- لا تبوسي الطفل فالجراثيم قد تسبب له الأمراض أو حتى الوفاة إذا ما كانت مناعته قوية. المشاعر الكاذبة بلاها رجاءً✋🏻.
🚬 ٣- الأم والطفل مناعتهم ضعيفة فلا تفكري تشربي سيكارة أو أركيلة فوق رأس الطفل الرضيع.
🤧 ٤- لا تذهبي إذا كنتِ مريضة؛ والله ما حدا بيعتب عليكِ اذا اتصلتي و اعتذرتي.
📸 ٥- لا تصوري الطفل الرضيع الا بعد استئذان أمه، و لا تنشرِي صوره على مواقع التواصل الاجتماعي الا بعد موافقتها.
👩👧👦 ٦- كوني خفيفة الظل ولا تعمليها زيارة بعمَارة وتجيبي معك عر ولاد وتفتحي مدرسة بحجة جاية تباركيلهم… لأنو البيبي بكون حساس ومو لقيان والأم اكيد بحاجة للنوم اثناء غفوات صغيرها.
❓ ٧- لا تسألي الأم إذا كانت ناوية تجيب بيبي تاني…. اتركيها بحالها؛ و لا تستهوني وجعها باستخدام السنفونية الشهيرة “اي شبك القطة بتولد”🐱!!!.
👧🏻 ٨- اذا كانت المولودة بنت لا تواسيها للام وتقولي لها “الله يبعتلك صبي و معليش لا تزعلي اللي جابت البنت بتجيب الصبي…”
البنت متلا متل الصبي وما حدا زعلان من جية البنت ريحي حالك انتِ!!!
📝 ٩- لا تنتقدي الاسم اللي اختاروه… إذا ما عجبك احتفظي برأيك لحالك، الناس أذواق وبعدين أكيد هنن ما اختاروا أسماء أولادك.
☝️ ١٠- اذا عندك نصيحة حلوة قوليها بدون ما تهزئي الأم ووتتفهمني عليها… و لا تقضي الزيارة انتقادات على هيك بصير و هيك ما بصير.
⚠️ احترمي خيارات الام و قوانينها والأسلوب اللي متبعته مع طفلها، بلاها النصائح الذهبية تبع (شيلي من إيدك هلق بيتعود عالحمل) و (لا تعطيه صناعي) و (لا تعطيه لهاية) و الذي منه….
و بتشريفكنَّ يتم سرورنا أكيد 😅