أخلاق الزوجة السورية وروتين الحياة اليومية

 

 

 

1⃣ بتصحى من النوم و بتطلَّع بجوزا بكل حنية وبتقلو: يارب يومي قبل يومك ياروحي☺️

((وما بتكون أبدًا ضاربة ألف بوز من على بكرة الصبح من الولاد وتجهيزن عالمدرسة😖))

2⃣ قبل ما يروح جوزا ع شغلو بتودعه بدعوات الأم الرحيمة وبتناديه باسم الدلع المحبب اله وعيونا مليانة حنية قائلة: شو ساويلك غدا اليوم يا كل دنيتي 😍🍚🍜🥗

((أكيد ما بتقله لا تنسى تجيب شو وصيتك كعادتك وبعدين بتصرع×××× ليش متأخرة بالطبخة))

3⃣ بتتصل فيه وقت بيوصل على شغله وبتطمن عليه وبتقله اشتقتلك يا نبضي مالي مصدقة امت ترجع 🌹🥰

((من دون ما تبلش فيه ليش ما اتصلت📞 وطمنتني ولا إيمتى بدك ترجع… وبلا تأخير ومين عندك ومع مين عبتحكي🥴😬))

4⃣ قبل ما يوصل جوزا عالبيت بتكون مجهزتله الغدا والأكلات يلي بتحبها بطنه😋 وبيتا نضيف وريحتا غابقة بكل البيت من العطورات🌸…

((أكيد مو روايح البصل والثوم والزفَر موصلة لأول الحارة😳😱))

5⃣ وبس وصل بتستقبله بأحلى ابتسامة وأحلى روح وكأنها عصفورة وطايرة من الفرحة برجعة ابو كتاكيتها🐤🐣🐥

((أكيد مو مبوزمة ولا صريخها معبي الدنيا لأنها عبتتكرم وتدرس الأولاد 😣🔥))

6⃣ وبتكون لابسة لبس وكأنها بعيد المسلمين ولا أحلى من لبس العرايس 👸👗👠

((مو لابسة لبس الحوسة المبقع والمنقط يلي بشبه لبس المساجين يا حرام🤭🧟‍♀ عين الجارة ما تطرقها 🧿))

7⃣ ولما بيخلصوا غدا بترتب البيت بكل هدوء🧹🍽 وسكينة وسعادة… من دون صريخ عالأولاد: تااااعوا ساعدوني.. ومن دون قرقعة الطناجر وكأنها بمعمل محركات 😳⚙️⛓

8⃣ وبس خلصت بتكون ظبطت لزوجها كاسة الشاي الأكركوعجم (اه خيتو) وبتقله اشربها وناملك شوي بعد هالتعب يا سيد راسي😇🙆‍♀

((وأكيد ما بتبلش نق وسق على ابنك عمل وبنتك ساويت وأمك قالت وأختك مدري شو…))😢

🎈ولبين ما يشرب الشاي بتكون لهت الأولاد بشي شغلة أو بعثتهم عالنوم ليفضالها الجو و😉….

⚠️⚠️خير… اشبكن؟ فهموني ليش عم تطلعوا بالجوال📲 نظرات استغراب وتعجُّب؟!!! وانتوا عم تقرؤوا رسالتي… ليش متعجبين⁉️🤔

ما بقى بكمّل… بطَّلت🙈