زهرة المرأة الواعية
ليش منتلبك وقت نشوف يلي منحبو؟!!
😍 هادا يا جماعة اللبكة وقت نشوف يلي منحبو شغله طبيعية… هي اللبكة واللخبطة مسؤول عنها الجهاز الودي بالجسم والناقل العصبي الأساسي بالجهاز الودي هو #الأدرينالين
🧪 هو بشكل عام الادرينالين مو تارك حدا من شرُّو مسؤول عن حالات الطوارئ بالجسم متل الضغط النفسي والإحراج والرعب والغضب والخوف….
🥰 شو بيعمل الأدرينالين وقت نشوف حدا منحبه؟؟ هو بيعمل بالضبط متل ما بقولوا “شفتك تلخبطت”!!
🤗 لأن العشقان مسكين بيشعر بالتلبّك والتّوتر لما بيشوف الحبيب، والسبب لأن بترتفع مستويات الأدرينالين وبتسبب زيادة بضغط الدم وتسرَّع ضربات القلب لذلك بتقول “فز قلبي ونط”.
🥵 والأدرينالين بيزيد التعرق، وتتلاشى الكلمات من فمه، يعني بيرتبط لسانو ومسكين ما بيعرف شو عاد شاف قدامو و بيصير يغني “انتي أنسية لما جنيه لما إيه بالضبط؟”
😬 بس يعني ما تسألو الأدرينالين اذا بينباع بالصيدلية مو ناقصنا أدرينالين بسوريا لأن بيرتفع كمان بحالات الخوف والرعب والتوتر وأكثر منه عنا مافي🙃
