زهرة المرأة الواعية
شو علاقة تساقط الشعر بموسم البيتنجان؟
بموسم #البيتنجان والمكدوس في شغلة كتير منسمعها وهي إنه الشعر بيزداد تساقطه بهل فترة!!
يا ترى هالشي صحيح؟!
ولا البيتنجان بريء من هالتهمة؟
👩🏻 بالأول لازم نعرف أنه المعدل الطبيعي لتساقط الشعر باليوم هو تقريباً 50 – 100 شعرة وهاد ما منلاحظه، لكن إذا ازداد عن حده الطبيعي بكون عنا مشكلة مرضية أو فيزولوجية أو سلوكية خاطئة أو بكون سببه تغير الجو وخاصةً بفصل الخريف يلي هو موسم البيتنجان بتنخفض دراجات الحرارة، وبتزداد الغبرة والأتربة، وبتتراكم البكتيريا والفطور، وهاد بأدي لجفاف فروة الرأس وظهور الفطور يلي بتسبب القشرة وتلف للشعر يلي بأدي لتساقطه…
🍆 ولكن لا علاقة للبيتنجان بتساقط الشعر، هالتساقط سببه التغيرات المناخية ويسمى بتساقط الشعر الموسمي.
