حبيبي شو أطبخ؟

الزوجة : شو بدكن تأكلوا بكرة ؟
الزوج : أي شي .

الزوجة : يعني شو أي شي؟ أنت ما بدك حتى تساعدني باقتراح.
الزوج : أعمليلنا فاصولية خضرا ورز.

الزوجة : قريضة تقرض فاصولية خضرا الجمعة الماضية عملناها!
الزوج : طيب شو رأيك فاصولية حب

الزوجة : تقيلة عالمعدة بهالشوب
الزوج : أعملي محشي

الزوجة : والله مالي خلق أحفر وأحشي وأطبخ
الزوج : طيب شوفي أي شغلة سهلة وموجودة عندك وأعمليها وخلصينا

الزوجة: يعني مافي مرة بدك تريحني وتجاوبني، دايماً مريح حالك انت
الزوج : شو رأيك ناكل أكلة خفيفة، مثلاً علبة طون ومرتديلا وزيتون؟

الزوجة: خلص خلص أنا عم فكر أعمل معكرونة وشوية بطاطا مقلية وسلطة؟
الزوج : الله عليكي وعلى أفكارك يؤبشني الفهيم
الزوجة: هاد اللي أنت شاطر فيه بس.

والمسا اتصال تليفوني من الزوجة للزوج

الزوجة : ألو جيب معاك كازوز انت وجاي لأن طلبنا فروج مشوي ونسينا نطلب كازوز
الزوج : أنتي مو قلتي رح ناكل معكرونة وبطاطا؟
الزوجة : والله مافضيت لأنو من وقت فقت وأنا عم أغسل واشطف وحمم القرود ولادك ونضف الزريبة اللي عاملينها بالبيت
الزوج : شو البارد يلي بدك ياه… بيبسي” ولا “سفن أب”؟
الزوجة : أي شي .. ما بتفرق

الزوج يرجع ع البيت ويجلس عالطاولة و يمد أيده ويطالع زجاجة”بيبسي ” من الكيس ويضعها على الطاولة

الزوجة : شو هاد..؟ يعني مابتعرف تجيب سفن أب ؟ أنت دايماً ذوقك غريب هيك
الزوج مد أيده للكيس وطالع زجاجه (ثانية) سفن أب وحطها على المائدة.
الزوجة : أي بعزق بالمصاري وآخر الشهر قلي وين بيروح المعاش، عرفت يا سيدي المعاش وين بيروح..؟
الزوج : يأكل في صمت.

الزوجة : ما قلتلي، شو بدكن تاكلو بكرة..؟
الزوج الله يرحمه أصيب بسكتة قلبية

النكد لادين له… هلق بتعلّق وحدة بتقول إي والله …صديقاتي كلكن هيك.