نقص اليود والغباء المكتسب

‍بعد ما تشخص لزوجها ارتفاع توتر شرياني (ضغط) قررت أنه ما بقى تستعمل الملح بالطبخ تضامناً مع الحجي
وبالفعل من يومها و هي بتطبخ بلا ملح…

وبهالفترة كبر ابنها الأصغر وفات ع المدرسة لكن الكل بلش يشتكي من هالطفل انه بليد وغبي علماً أنه بقية اخواته كانوا شاطرين بالمدرسة.

شو دخل الأم بغباء الولد؟؟
بتتوقعوا إلها دور؟!

طبعاً الأم هي كانت سبب أنه الطفل غبي والتفسير بهالقرار اللي أخدته من سنوات وهو ما تستعمل ملح ضرت الجميع،

لأنه ببعض المناطق أو بالأحرى أغلب مناطق سوريا نتيجة الحمية المتبعة بسبب سوء الأحوال المعيشية عم تكون فقيرة جداً باليود اللي يوجد بالأسماك بشكل أساسي وبعض الأطعمة البحرية اللي ٩٠% من الناس ما بيقدروا ياكلوها…

وبهيك حالة كان المصدر الوحيد لليود عند هالعيلة هو الملح اللي بضيفولوا اليود عند التصنيع.

بس شو الرابط؟؟

عوز اليود مو شرط يعمل قصور درق صريح وواضح وخاصة عند الأطفال وبأغلب الحالات بيتظاهر هالقصور بتراجع القدرات المعرفية للشخص يعني غباء مكتسب.
دمتم بخير وسلامة

الدكتور خالد جمعة