دكتور شو رأيك بابرة الكلس
ابني تأخرو سنانو ولسه ما مشي
معلش اعطي ياها شرب

*‍: لا طبعاً مو معلش *
*وما بيصير تعطي ياها أبدا!!*

ياجماعة هي اللي بتسموها إبرة الكلس هي عبارة عن إبرة فيتامين دال بجرعة عالية جداً تتراوح من ٣٠٠ ألف لـ ٦٠٠ ألف وحدة دولية

بتعرفو أديش الحاجة اليومية عند الطفل تحت السنة من فيتامين دال بس ٤٠٠ وحدة دولية وفوق السنة ٦٠٠وحدة دولية بس

‍ هي الإبرة بتنعطى فقط في الكساح المثبت بالفحص والتحاليل ولمرة وحدة.. الإعادة بعد تحليل فيتامين د حصراً وممكن إعطاءها لمرة واحدة باستشارة الطبيب بدون أي حالة مرضية طبعاً قبل السنة أو بعد السنة.. ولكن أنه تعطيها الأم بشكل متكررر وعدة مرات فهاد خطأ!!!

طيب إذا عطيناها بشكل متكرر شو ممكن يصير:

‍: ممكن للأسف يصير تسمم بفيتامين دال وبقولولك ليش عم يصير حصيات بولية وإمساك مزمن وتكلس عظام واضطرابات بولية وانتبهو منيح الشغلة مو لعبة
عادي الولد يتاخرو سنانه لعمر السنة وشهر
وعادي يتاخر مشيو للسنة ونص
بس اللي مو عادي إنكم تعطو ابرة كلس يلي هي طبعًا إبرة فيتامين (( د )).